Tre turistë britanikë mes tyre dhe një fëmijë kanë humbur jetën në Islandë

Tre turistë britanikë, duke përfshirë një fëmijë, kanë vdekur pasi automjeti i tyre u rrëzua gjatë kalimit të një ure në Islandë.

Automjeti mbante shtatë persona britanikë kur aksidenti ndodhi rreth orës 9:30 të së enjtes, tha policia Islandeze.

Pasagjerët e tjerë në makinë janë plagosur rëndë.

Toyota Land Cruiser u rrëzua nga një urë me një korsi në Islandën jugore.

Pastaj ra rreth tetë metra mbi një breg lumi.

Sipas mediave lokale, aksidenti ndodhi në urën Núpsvötn në rrugën unazore të Islandës në mes të qytetit të Kirkjubæjarklaustur dhe zonës së Skaftafell, e cila është pjesë e bukurisë së Parkut Kombëtar të Vatnajökullit.

Të katër të plagosurit u transportuan në spital me lëndime serioze, tha policia. Dy nga të plagosurit janë fëmijë.

Sveinn Kristjan Runarsson, shefi i mbikqyrësit të policisë në jug të Islandës, tha për të plagosurit: "Ne nuk kemi qenë në gjendje të bisedojmë me ta për atë që ka ndodhur".

Ai tha se nuk ishte e qartë nëse të shtatë ishin të lidhur.