Dy kontejnerë me mish të importuar nga Brazili janë bllokuar nga Autoriteti Kombëtar i Ushqimit gjatë kontrolleve në terren.
Pas analizave të kryera, në sasinë prej 50.2 tonë mish u konstatua prezencë e salmonelës.
AKU bën me dije se po vijojnë procedurat për kthimin në origjinë të produktit.
Ky nuk është rasti i parë i kthimit mbrapsht të mishit të importuar. Gjatë këtij viti nga AKU-ja janë bllokuar e kthyer në origjinë edhe 5 kontenierë të tjerë, me 130 tonë mish.
“Numri total i ngarkesave të importuara nga Brazili gjatë kësaj periudhe të vitit është 195 kontenierë; secili prej të cilëve është kontrolluar e analizuar me rigorozitet. Kontrollet efikase të shoqëruara me cilësinë e analizave janë garanci e plotë, që produktet që futen në treg janë të sigurta”, thuhet në njoftimin e AKU.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
