Autoriteti i Konkurrencës ka ndërhyrë gjatë vitit 2017 në tregjet me problematika, duke hapur 11 procedura hetimore, shifër rekord kjo krahasuar me vitet e kaluara.
Ajo çka raportohet nga institucioni është edhe monitorimi i vazhdueshëm në në tregje me problematika të përsëritura, ndërsa hetimi është ndërmarrë në tregun e telefonisë celulare, sektorin bankar, tregun e ngarkim shkarkimit në portin e Durrësit, tregun e distribuimit të filmave, tregun e tregtimit të lëndës së parë për prodhimin e brumit për bukë, tregun e transportit ajror, tregun e transportit ndërkombëtar detar, tregun e grumbullimit të duhanit dhe tregun e importit, depozitimit dhe shitjes së gazit të lëngët.
Raporti referon edhe 47 vendime të marra nga komisioni, nga të cilat 16 janë përqendrime dhe 9 abuzime me pozitën dominuese. Ndërkohë, për institucionin e drejtuar nga Juliana Latifi, problematikë që kërkon zgjidhje është vjelja e 13 gjobave të vendosura në vite, vlera e të cilave arrin deri në 250 milionë lekë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
