Në historinë e Evropës, vështirë të gjesh një vend që pret jo pak, por 2 milionë refugjatë nga një vend tjetër evropian. Një vend që jo vetëm pranon refugjatë, por demonstron se është i gatshëm të dorëzojë të gjithë avionët e tij MIG-29 kundër luftës së Rusisë në Ukrainë. Sigurisht që në këtë luftë, Polonia është vendi i dytë pas Ukrainës që ka barrën më të madhe të luftës… Por ç’mund të themi për ndihmën që Polonia po i jep Ukrainës në këtë luftë dhe përkrahjes së deritanishme vendeve evropiane, NATO-s dhe SHBA-ve? Ambasadorja e Polonisë në Shqipëri, znj. Monika Zuchniak- Pazdan, thotë për MCN se mbështetje polake do të jetë konsistente.
Ne qëndrojmë me Ukrainën, si fqinjët e saj, si anëtare e NATO-s, si vend i BE. Nuk pajtohemi me asnjë veprim të Rusisë që minon integritetin e Ukrainës.
Çdo shtet ka të drejtë të mbrohet në rast agresioni. Polonia paraqiti një ofertë për transferimin e avionëve të saj MIG te pala amerikane. Megjithatë vendime të tilla i nënshtrohen bisedimeve. Prandaj tarnsferimi i mjeteve të tilla kërkon pëlqimin e gjithë anëtarëve të NATO-s.
Gjëja më e rëndësishme është mbështetja teknike dhe ushtarake për Ukrainën. Ne duam të sigurojmë që kjo mbështetje të jetë konsistente.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
