Steven Spielberg, një nga regjisorët më të njohur të Hollivudit, është regjistruar për të ndihmuar presidentin amerikan Joe Biden me fushatën e tij për rizgjedhjen si president, duke ofruar strategjinë për Konventën Kombëtare Demokratike, e planifikuar të mbahet në 19-22 gusht në Çikago, raportoi NBC të premten.
Spielberg, një mbështetës prej kohësh i Bidenit, ka marrë pjesë aktive në takimet me organizatorët e eventit, ku më shumë se 5000 delegatë nga 50 shtete do të zgjedhin zyrtarisht kandidatët për president dhe zv.presidentë të demokratëve.
"Steven dëshiron të jetë sa më i dobishëm për presidentin," tha një burim duke shtuar se ai mendon që “këto janë një nga zgjedhjet më të rëndësishme në historinë e vendit”. Aktualisht sondazhet nxjerrin fitues Donald Trump, me 49 për qind të votave, ndërsa Biden ka 43 për qind, me një rënie dy pikë që prej janarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
