Lihen në fuqi masat për të arrestuarit për tenderin 7 milion lekë në Bashkinë e Durrësit.
Mësohet se trupa gjykuese ka vendosur “arrest në burg” për shtetasit: Patriot Beqaraj, Gjergj Markola, Indrit Matmuja, Adriatik Velaj, Muhamed Likaxhiu, Artan Taho, Riza Sulaj, Albion Bushi.
Ndërsa masa “arrest në shtëpi” është dhënë për shtetasen Lulzime Rami administratore e shoqërisë R&R Group sh.p.k. dhe “detyrim për t’u paraqitur në policinë gjyqësore” për Elona Ramin, pronare e kompanisë R&R Group sh.p.k.
Pasi u tërhoq për vendim GJKKO konfirmoi kërkesën e prokurorisë për lënie në fuqi të masave të caktuara.
Mësohet se tenderi në fjalë ka të bëjë me autoshkallët e makinave të zjarrëfikëses me vlerë të fondit limit prej 7 mln lekësh të reja.
Sipas SPAK, këta punonjës të Bashkisë së Durrësit dyshohet se kanë favorizuar në tendera dy kompani që merrnin pjesë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
