ISIS ka marrë përgjegjësinë e sulmit në Manchester Arena ku humbën jetën 22 persona dhe mbi 50 të tjerë mbetën të plagosur.
Lajmi është publikuar nga angjencia e lajmeve të Shtetit Islamik Amaq, e cila thotë se një anëtar i saj ka kryer sulmin.
Ngjarja e rëndë ndodhi mbrëmjen e të hënës, në fund të koncertit të këngëtares amerikane Ariana Grande.
Në lidhje me ngjarjen e rëndë policia ka arrestuar një 23-vjeçar, si i dyshuar në këtë sulm.
Kryeministrja e Britanisë së Madhe Teresa May ka ngushëlluar të gjithë familjarët e viktimave teksa në orën nëntë mbajti një mbledhje të jashtëzakoshme të Komitetit të Emergjencës.
“Ne jemi duke punuar për të kuptuar të gjitha detajet e asaj që nga policia po trajtohet si një sulm i tmerrshëm terrorist”, ka thënë May përmes një deklarate për media.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
