Një person i shpallur në kërkim për shitje droge, është vënë në prangat e policisë së Fierit në kuadër të operacionit të koduar “Peshtani”.
Si rezultat i kontrolleve të vazhdueshme për kapjen e shtetasve në kërkim, bazuar dhe në informacionet e siguruara nga inteligjenca policore, uniformat blu vunë në pranga shtetasin Dashamir Muçaj, 61 vjeç, banues në fshatin Peshtan Bregas.
61-vjeçari u shpall në kërkim 3 javë më parë, në kuadër të operacionit “Peshtani”, pasi dyshohet se ka bashkëpunuar me djalin e tij, shtetasin J.(E.) M., 37 vjeç, i arrestuar më 15 nëntor për veprimtarinë kriminale të shitjes së lëndëve narkotike.
Materialet procedurale i kaluan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
