Presidenti i Meksikës, Enrique Pena Nieto ka anuluar sot takimin me Presidentin e SHBA-ve, Donald Trump që ishte parashikuar për javën e ardhshme pas tensioneve mbi planin për të ndërtimin e murit në kufirin mes dy vendeve.
Donald Trump pa mbushur një javë si President ka nisur betejën SHBA-Meksikës për ndërtimin e murit në kufi.
Duke mos toleruar asnjë centimetër, Trump u shpreh se do të ishte mirë që takimi i tij me presidentin e Meksikës të anulohej nëse vazhdon të refuzojë për të paguar koston e murit.
Reagimi i Trump erdhi pasi presidenti meksikan, Enrique Pena Nieto ri përsëriti se, vendi i tij “nuk do të paguajë për murin”. “Nëse Meksika nuk ka vullnet për të paguar murin e shumë nevojshëm, atëherë do të ishte mirë që të anulohej takimi”, tha Trump.
Fillimisht Nieto tha se nuk është e nevojshme që takimi të anulohet, por më pas njoftoi zyrtarisht për anulimin e tij.
Presidenti bëri të ditur një vendim të tillë pasi një delegacion i nivelit të lartë po vizitonte Shtëpisë e Bardhë, e para përfaqësi e huaj në Shtëpinë e Bardhë që pas marrjes së detyrës nga Trump.
“Këtë mëngjes ne e kemi informuar Shtëpinë e Bardhë se unë nuk do të marrë pjesë në takimin e punës të planifikuar për të marten me presidentin e Shteteve të Bashkuara”, ka shkruar në Twitter, Pena Nieto.
“Meksika e përsërit dëshirën e saj që të punoj me Shtetet e Bashkuara për të arritur marrëveshje prej të cilave të dy kombet përfitojnë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
