Qytetarët e Malit të Zi u janë drejtuar kutive të votimit për të zgjedhur presidentin e ardhshëm të vendit, me mandat pesë vjeçar. Rreth 550 mijë qytetarë kanë të drejtë vote.
Në një lidhje me Skype, gazetari Bekim Çoba tha se shqiptarët dhe pakicat e tjera kanë shënuar pjesëmarrjen më të ulët në votim. Megjithatë, pjesëmarrja në total është më e madhe se në raundin e parë.
Ka pasur disa incidente, që në një vend kanë çuar në ndërprerjen e votimit për një orë. Sa i përket pjesëmarrjes, është më e lartë se në raundin e parë. Në zonat ku jetojnë shqiptarë dhe pakica të tjera, vazhdon të jetë më e ulët.
Ndikimi i Beogradit nuk është aq politik sa emocional dhe fetar. Është e qartë që kisha serbe ka një ndikim në Mal të Zi. Por nuk është aq i madh sepse përndryshe Gjukanoviçi nuk do të qëndronte 30 vjet në pushtet.
Presidenti në Mal të Zi është më shumë një figurë ceremoniale. Nuk pritet ndonjë ndryshim i madh. Shumë më të rëndësishme janë zgjedhjet parlamentare të 11 qershorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
