Vladimir Putin pritet të marrë një tjetër mandat presidencial në zgjedhjet e së dielës. Ky do të jetë mandati i katërt, çka e bën atë kreun e shtetit apo qeverisë për më shumë se 25 vjet.
Më poshtë kemi radhitur liderët që e kanë mbajtur pushtetin më gjatë, përjashtuar monarkët që e trashëgojnë atë.
Më shumë se 4 dekada
Në krye të listës me 49 vjet në pushtet qëndron lideri revolucionar i Kubës, Fidel Castro. Ai ia dorëzoi pushtetin të vëllait, Raul, në vitin 2008, kur arriti moshën 80-vjeçare.
Presidenti i Tajvanit, Chiang Kai-shek, ka qenë në pushtet në ishull dhe në kontinent për 47 vjet më radhë, derisa ndërroi jetë në vitin 1975.
Themeluesi i Koresë së Veriut, Kim Il Sung, e ka drejtuar shtetin komunist për 46 vite me radhë, derisa ndërroi jetë në vitin 1994. Ai ende kujtohet si “lideri i përjetshëm”.
Diktatori shqiptar, Enver Hoxha, ka qenë në pushtet për 40 vjet derisa vdiq në vitin 1985.
Muammar Gaddafi e qeverisi Libinë me grusht të hekurt për rreth 42 vite, para se të rrëzohej nga pushteti dhe të vritej nga rebelët në vitin 2011.
Omar Bongo Ondimba e qeverisi Gabonin e pasur me naftë për më shumë se 41 vjet deri në vitin 2009.
Robert Mugabe e ka qeverisur Zimbabven për 37 vjet deri vitin e kaluar, kur u detyrua të jepte dorëheqjen.
Ende në pushtet
Lideri më jetëgjatë në pushtet që vijon të qeverisë ende është ai i Guinesë Ekuatoriale, Teodoro Obiang Nguema. Ai ka 38 vjet në pushtet, që nga viti 1979, kur pasoi xhaxhanë e tij.
Të tjerë që vijojnë të numërojnë vitet në pushtet
Presidenti i Kamerunit, Paul Biya: 35 vjet.
Presidenti i Kongos, Denis Sassou: 34 vjet, me një pauzë 5-vjeçare.
Kryeministri i Kamboxhias, Hun Sen: 33 vjet.
Presidenti i Ugandës, Yoweri Museveni: 32 vjet.
Lideri Suprem i Iranit, Ayatollah Ali Khamenei: 29 vjet.
Presidenti i Sudanit, Omar al-Bashir: 28 vjet.
Presidenti i Çadit, Idriss Deby: 27 vjet.
Presidenti i Kazakistanit, Nursultan Nazarbayev: 28 vjet.
Presidenti i Taxhikistanit, Emomali Rakhmon: 25 vjet.
Presidenti i Eritresë, Isaias Afwerki: 24 vjet.
/ Përgatiti: Gazmira Sokoli /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
