Pala ruse është gati për një takim me ndërmjetësimin e OKB-së me Ukrainën në Stamboll, por takimi do të jetë më tepër simbolik sesa do të zgjidhë çështjen e grurit, tha të mërkurën ministri i jashtëm rus Sergey Lavrov në një konferencë për shtyp pas bisedimeve me homologun e tij turk, Mevlut Çavusoglu.
"Rreth takimeve shtesë në Stamboll për çështjen e eksporteve të grurit: ne jemi gati për takime të tilla. Ne vlerësojmë interesin e OKB-së për t'u përfshirë në një farë mënyre, duke shënuar praninë e saj, por, sinqerisht, nuk do të ishte gjë tjetër veçse simbolike", tha Lavrov.
Siç theksoi ministri rus, gjithçka që nevojitet për të zgjidhur këtë problem është që "ukrainasit t'i lënë anijet të largohen nga portet e tyre ose duke deminuar ose duke identifikuar korridoret e sigurta". "Asgjë tjetër nuk kërkohet", theksoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
