Ishte në emigracion dhe kur u rikthye 2 vite më parë, e gjeti tokën e tij të mbuluar nga inertet. Personazh i kësaj historie është Andon Meta, nga fshati Laç i Kurbinit.
Në tokën që e ka përfituar me ligjin 7501, prej tre vitesh hidhen mbetjet e objekteve të dëmtuara nga tërmeti i 26-nëntorit të vitit 2019. Andon Meta thotë se disponon të gjithë dokumentacionin përkatës dhe pavarësisht ankesave, institucionet nuk po i japin zgjidhje.
Andon Meta e ka të lidhur jetesën me sektorin e bujqësisë, ndërsa kërkon dëmshpërblim për dëmin e shkaktuar nga hedhja e inerteve në pronën e tij. Kurbini ishte një ndër zonat më të prekura nga tërmeti i tre viteve më parë dhe si zgjidhje bashkia gjeti mënyrën më të thjeshtë, duke i hedhur inertet në tokat bujqësore në periferi të qytetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
