Ish-kryeministri Berisha tha sot në Parlament se kreu i qeverisë vuan nga kompleksi i rrugëve që ka bërë qeveria para tij. Berisha e akuzoi Ramën për mashtrim me shifrat.
“Ju ngordhni nga kompleksi i rrugëve. Rama sëmuret në çdo udhëtim që bën. E zë rruga, nga problemet psikike. Sëmuret se e di që rrugët nuk i ka të tij. Atë e hanë rrugët. Tha që kemi ndërtuar 900 km rrugë. Unë do t’i lexoj atij vetëm rrugët e qarkut ku është deputet. U lutem vlonjatëve të shohin se çfarë mashtruesi është. Rruga e bregut – 80 km, autostrada Vlorë-Fier, superstrada Qafë Botë – Gramë, rrugë lidhëse me detin, e Vunoit, e Dhërmiut, rruga e Butrintit - kanali i Çukës, rruga Transballkanike, rruga Vlorë-Drashovicë - ura e Peshkëpisë, rruga e Xarrës, rruga e Sevasterit.
Tha se paguam 720 milionë borxhe nga 120 milionë të certifikuara nga kompania e certifikuar për këtë punë. Tha se kemi lënë pa paguar 1 milion e 400 mijë dollarë. O injorancë, si nuk skuqesh nga këto gjëra të trasha që thua”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
