Eksperti i arsimit, Albano Zhapaj, thotë se mes universiteteve private nuk ka konkurrencë, dhe kjo mungesë nxitet nga vetë shteti. Në një intervistë në studion e MCN TV, Zhapaj tha se shteti është bërë palë në shpërndarjen e maturantëve nëpër universitetet private.
Agjencinë që kemi ne, që merret me kontrollin e cilësisë, është e pabesueshme për vete. Nuk kemi informacion dhe statistika për të bërë një analizë të kësaj natyre. Në rrethe informale dhe biseda mes kolegësh e dimë se ku bëhet mësim dhe ku jo. Nuk ka konkurrencë mes tyre sepse ua furnizon shteti lëndën e parë, pra studentët. Është si të kesh një shoshë me miell dhe ta shkundësh në mënyrë që thërrimet e miellit të bien kudo. Këto fazat e stërzgjatura nuk janë kot. Ne e fillojmë vitin akademik një muaj e 17 ditë pas amerikanëve.
Nuk ka mundësi që ti të matësh një garë të vërtetë dhe të nxjerrësh cili është universiteti më i mirë privat. Nuk ka garë, të gjithë janë duke i zhvatur studentë shtetërorit. Sot shumë universitete private i kanë plotësuar kuotat, nuk kanë më kuota bosh. Kjo të bën të mendosh se është një sistem i kontrolluar nga shteti, i cili po i shpërndan maturantët aty ku do vetë.
Sot për sot, universitetet tona private dhe publike e kanë kuptuar që studentët kërkojnë degë të ndërkombëtarizuara.
Zhapaj e shpjegoi interesin për degët e inxhinierisë dhe IT me dëshirën për të emigruar.
Arsimi profesional ka problemet e veta. Shtimi i kërkesave për inxhinieri dhe IT bëhen pasi u shërben si pasaportë për të emigruar dhe për të punuar në kompani jashtë vendit. Në rast se degët e inxhinierisë do të preferoheshin si inxhinieri më vete, këto degë do të përmbusheshin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
