Dokumentari investigativ i emisionit italian PresaDiretta hedh dritë mbi një fenomen kompleks dhe shqetësues, rolin e Shqipërisë në qarkullimin dhe pastrimin e parave të pista në Europë.
Përmes dëshmive, intervistave dhe investigimeve në terren, reportazhi tregon se si ekonomia informale dhe përdorimi i gjerë i cash-it krijojnë kushte të favorshme për këtë aktivitet.
Sipas dokumentarit, një pjesë e konsiderueshme e parave të pista hyn në Shqipëri përmes rrugëve informale. Një nga metodat kryesore është përdorimi i korrierëve të zakonshëm, individë pa precedent penal, si studentë apo emigrantë, të cilët transportojnë shuma cash nga vende të tjera europiane.
Këta persona shpesh nuk janë pjesë e drejtpërdrejtë e rrjeteve kriminale, por paguhen për të kryer transportin, duke e bërë më të vështirë zbulimin nga autoritetet.
Pasi futen në vend, paratë investohen në sektorë të ndryshëm të ekonomisë, kryesisht ndërtim, pallate, resorte turistike, biznese si bare, restorante dhe hotele
Ky proces i transformon paratë me origjinë të paligjshme në kapital që duket i ligjshëm, duke e bërë të vështirë gjurmimin e burimit të tyre.
Dokumentari sugjeron se bëhet fjalë për 500-600 milionë euro që qarkullojnë çdo vit jashtë sistemit formal bankar. Këto shifra tregojnë për një ekonomi paralele që bashkëjeton me ekonominë zyrtare.
Efektet e këtij fenomeni janë të shumta, rritje artificiale e çmimeve të pasurive të paluajtshme, konkurrencë e pandershme ndaj bizneseve të ndershme dhe shtrembërim i tregut dhe i investimeve.
Investigimi thekson se Shqipëria nuk është një rast i izoluar. Ajo është pjesë e një rrjeti më të gjerë që përfshin vende të tjera europiane, veçanërisht Italinë. Lëvizja e vazhdueshme e parave përtej kufijve e bën fenomenin më të vështirë për t’u kontrolluar.
“Albania, Dirty Money” paraqet një panoramë të qartë të mënyrës se si paratë e pista mund të integrohen në ekonominë reale. Dokumentari nënvizon nevojën për kontrolle më të forta financiare dhe bashkëpunim ndërkombëtar për të luftuar një fenomen që nuk njeh kufij.
Prokurori i SPAK Vladimir Mara thotë në dokumentar se hetimet kanë zbuluar bashkëpunim të krimit të organizuar me segmente të institucioneve shtetërore, policisë, gjyqtarë dhe prokurorë për të lehtësuar aktivitetin e tyre.
Ne kemi zbuluar se elementë të krimit të organizuar kanë bashkëpunuar me segmente të caktuara të institucioneve shtetërore, me anëtarë të policisë, zyrtarë të ministrisë, prokurorë dhe gjyqtarë, duke krijuar një rrjet që lehtëson aktivitetin e tyre.
Kkemi zbuluar se niveli i lartë i krimit të organizuar në trafikun ndërkombëtar të drogës është shtrirë në Europë dhe përtej.
Janë qytetarë shqiptarë që janë rritur në vendet europiane dhe me njohuri të shkëlqyera të gjuhëve të huaja, me njohuri të mira teknologjike dhe janë fokusuar në fitimin e parave të lehta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
