Kryeministri Rama ka mbledhur në Kryeministri drejtuesit e emergjencave Civile për një raportim të detajuar të situatës pas reshjeve të furishme që përfshinë vendin mëngjesin e sotëm.
Kreu i Emergjencave Civile, Shemsi Prençi, tha se në kryeqytet, situata paraqitet më e vështirë në Kashar dhe Vorë. Në Paskuqan dhe Bregun e Lumit janë evakuuar 40 familje, të cilat rrezikoheshin nga përmbytja.
Situata paraqitet problematike edhe në Shkodër, ku dalja nga shtrati e lumit Kir ka bërë që të rrezikohet lagjja “Ajasem”, ku janë evakuuar 40 familje të tjera.
Ndërkohë, probleme ka edhe në Fushë-Krujë, ku ka dalë nga shtrati lumi Zezë.
Ndërsa ministri i Bujqësisë, Edmond Panariti tha se ka dëmtime të pjesshme në sistemin e digave, kryesisht në Darragjat. Nuk ka dëmtime në blegtori.
Ka dëmtim të pjesshëm të argjinaturës së Drinos. Përsa u përket tokave bujqësore, sasia e saj është e kufizuar. Bordet e kullimit janë në terren.
Ndërsa ministri i Transporteve, Sokol Dervishaj, tha se ujësjellësat nuk kanë asnjë problem. Akset rrugore nacionale ka probleme në disa prej tyre, për shkak të reshjeve por edhe shkarjes së dherave. Në Fushë-Krujë ka prani të madhe të ujit në rrugë. Po punohet me fuqi puëntore të shtuar. Akset problematike janë ato të Veriut. Situata është nën kontroll.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
