Kosova nuk ka asnjë detyrim për formimin e Asociacionit pa u arritur njohja "de facto" nga Serbia.
Kështu ka deklaruar kreu i Kuvendit të Kosovës Glauk Konjufca. Ai është shprehur se Prishtina nuk duhet të bëjë asnjë hap pa u realizuar njohja nga Beogradi.
“Kjo ka lidhje me këtë procesin negociator në të cilin Kosova tashmë është pjesë dhe krejt çka ka mbet është që pritet takimi i 2 majit që të sqarohet edhe kjo fazë në të cilën jemi. Unë mendoj që në dy binarë është e ndërtuar marrëveshja. Binari i parë është njohja de-facto nga ana e Serbisë ndërsa binari i dytë është Asociacioni të cilin Kosova, qeveritë e mëparshme dhe një mazhorancë e mëparshme në vitin 2013 e ka pranuar. Kosova duhet me tregu që nuk ka kurrfarë obligimi dhe nuk duhet me bë asnjë hap, pa u realizuar binari i parë, që është njoha de facto”, ka thënë Konjufca.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
