Gjykata nuk i njeh mandatin kandidates fituese për Bashkinë e Durrësit, Sako: Do ta çoj në Apel

Gjykata e Durrësit nuk njeh mandatin e kryebashkiakes socialiste të dalë nga zgjedhjet e 30 qershorit, Valbona Sako.

Sako u shpall fituese më 30 qershor, përballë kandidates së Bindjes Demokratike, Valbona Sakollari.

Sako kishte bërë kërkesën në Gjykatën e Durrësit për konfirmimin e mandatit 4-vjeçar, por ka marrë një përgjigje negative nga gjyqësori.

Në vendimin e saj, gjykata arguementon se Bindja Demokratike është regjistruar në gjykatë më 25 prill, në tejkalim të afatit për regjistrim si subjekt zgjedhor në KQZ.

Në këto kushte, duke e konsideruar të pavlefshëm regjistrimin e partisë Bindja Demokratike në zgjedhjet e 30 qershorit, gjykata shpall të pavlefshme edhe fletën e votimit për kandidatët për kryetar të Bashkisë Durrës dhe si pasojë edhe rezultatin e votimit.

Vendimi mban firmën e gjyqtares Mimoza Margjeka.

Ndërkohë, në një prononcim për Tema TV menjëherë pasi vendimi u bë publik, Sako tha se do të apelojë në shkallën e dytë të gjyqësorit.