Shërbimet e urgjencës në Shqipëri vuan problem të shumta dhe nuk është në gjendje të përmbushë nevojat e popullsisë. Ky është përfundimi i një studimi të bërë në 42 spitale të vendit tonë nga Shoqata Europiane e Respiratorëve.
Me shumicën e personelit të patrajnuar në mënyrë të rregullt, me mungesa në paisje dhe në protokollet e trajtimit të rasteve urgjencat në Shqipëri nuk janë në gjendje për të përmbushur nevojat e popullsisë. Ky është përfundimi i një studimi që Europian Respiratory Society ka kryer në 42 spitale publike në Shqipëri.
Në raport thuhet se në një kohë që rastet e urgjencave janë bërë një epidemi e konsiderueshme, në shumë vende me të ardhura të ulta e të mesme si në Shqipëri shërbimi për trajtimin e tyre shpesh lihet pas dore. Studimi që është kryer në periudhën nga 5 shtatori deri më 29 dhjetor, 2014 ka vlerësuar tre drejtime kryesore: së pari trajnimet e specializuara dhe të ofruesve të kujdesit shëndetësor, së dyti investimet në paisje dhe së treti strategjitë e menaxhimit të pacientit.
Studimi ka zbuluar se në urgjencat e 42 spitaleve të anketuara vetëm (37 – 42 për qind e mjekëve kanë trajnime të specializuara për trauma. Ndërkohë për infermierët kjo shifër zbret në vetëm 26 për qind. Studimi ka nxjerrë gjithashtu se dallimet ndërmjet shërbimeve primare sekondare e terciare kanë disnivele të mëdha sa i takon trajtimit të urgjencave nga personeli.
Për paisjen me ilace dhe paisje të tjera 50 deri në 71 për qind të mjekëve të pyetur kanë folur për mungesa, ndërsa protokollet e trajtimit të pacientëve njihen e zbatohen 39 për qind në shërbimin parësor, 41 për qind në shërbimin sekondar dhe vetëm 28 për qind në shërbimin terciar.
TREGUESIT E SHËRBIMIT TË URGJENCËS NË SHQIPËRI
Kualifikimi i mjekëve 37,1-42,5 për qind
Kualifikimi i infermierëve 7,1-26 për qind
Mungesa e ilaceve e paisjeve 50 - 71.4 për qind
Zbatimi i protokolleve parësor 39.1 për qind
Zbatimi i protokolleve sekondar 41.7 për qind
Zbatimi i protokolleve terciar 28.6 për qind
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
