Ka hyrë në ditën e 6-të greva e urisë së anëtarëve të Këshillit Drejtues Sindikal, punonjës të kompanisë së naftës “Bankers Petroleum” në ambientet e sindikatës së tyre në Marinzë.
Gjendja shëndetësore e grevistëve përkeqësohet nga dita në ditë, ndërsa naftëtarët shprehen të vendosur për të vazhduar deri në plotësimin e kërkesave të tyre për rritje pagash dhe përmirësim të kushteve të punës.
Gazetarja Evi Gjini në një lidhje telefonike me studion e MCN Tv tha se pritet të shtohet numri i grevistëve pasi po përgatiten çadra ku ata do të vendosen.
Gjendja shëndetësore e grevistëve po përkeqësohet. Mbrëmjen e djeshme ka shkuar një ambulancë në ambientet ku po zhvillohet greva e urisë. 3 prej grevistëve kanë shfaqur probleme shëndetësore. Ata janë të vendosur për ta vijuar më tej këtë grevë. Janë10 sindikalistë që po qëndrojnë në 2 dhoma të ndara në Marinzë të Fierit. Mendohet që numri i grevistëve do të shkojë në 40 se po përgatiten çadra në oborrin e godinës ku po zhvillohet greva.
Ndërkohë, ende nuk ka asnjë reagim nga kompania, apo nga institucionet përgjegjës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
