Pas përfundimit të seancës së parë të Parlamentit të ri shqiptar, përkatësisht nisjes së legjislaturës së dhjetë, janë zbardhur edhe emrat e drejtuesve të rinj të cilët do të udhëheqin me Komisionet parlamentare në qeverisjen e re.
Kësisoj mësohet se Komisioni i Ligjeve do të drejtohet nga Klotilda Bushka. Në krye të Komisionit të Ekonomisë është vendosur Eduard Shalsi, ndërsa Komisionin e Sigurisë do ta drejtojë Nasip Naço.
Arben Pëllumbit nga ana tjetër i është besuar drejtimi i Komisionit për Veprimtaritë Prodhuese, kurse Mimi Kodheli do të qëndrojë në krye të Komisionit për Politikën e Jashtme.
Ermonela Felaj do të jetë nënkryetare e Kuvendit.
Ndërkaq, opozita merr Komisionin e Integrimit Europian, atë të Medias dhe Shëndetësisë, përkatësisht Jorida Tabaku- Komisionin për Integrimin Europian, Albana Vokshi-Komisionin për Shëndetësinë dhe Agron Gjekmarkaj për Edukimin dhe Median.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
