Mbërrijnë 100,000 vaksina të tjera anticovid në aeroportin e Rinasit

Kanë mbërritur në orët e pasdites 100 000 vaksina të tjera anti-Covid në aeroportin e Rinasit.

Lajmin e ka bërë të ditur kryeministri Rama ku shprehet se, “me një ditë vonesë për shkak të tentativës çmendurake për bllokimin e fushatës së vaksinimit dhe nxitjen e rrëmujës në prag të zgjedhjeve, mbërrijnë 100,000 vaksina të tjera anti-Covid”.

“Më të vendosur se kurrë për të vazhduar me ritme të larta vaksinimin masiv dhe për të garantuar një sezon turistik të lehtësuar e me të ardhura të larta për Shqipërinë”, tha Rama.

Dozat e vaksinës kundër COVID duhej të mbërrinin të mërkurën, por si pasojë e situatës së paprecedentë të krijuar në aeroportin e Rinasit për shkak të protestës së kontrollorëve, ngarkesa ishte bllokuar.