Ish-kryeministri Sali Berisha i bëri sot thirrje ndërkombëtarëve që të marrin në analizë situatën e drogës në Shqipëri, e cila, sipas tij, mund të shndërrohet në një financuese të terrorizmit.
“I bëj thirrje NATO-s qe me urgjencë të marrë në analizë gjendjen e drogës në Shqipëri. Ky vend, në rast se nuk ndërhyhet me urgjencë në këtë situatë, shumë shpejt do të jetë një financues i madh i terrorizmit ndërkombëtar, i ISIS në radhë të parë”, deklaroi Berisha në parlament, ndersa po diskutohet pr/ligji “Për menaxhimin e integruar të mbetjeve”.
Ai akuzoi qeverinë se po i largon investimet e huaja. “Mafia sot është ulur këmbëkryq dhe po i rrënon këto investime. Ato po i largon çdo ditë qeveria me mafien e saj”, deklaroi ish-kryeministri sot në Kuvend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
