Një 18-vjeçar është proceduar penalisht nga policia kufitare e Rinasit, pasi ka tentuar që të kalojë kufirin në mënyrë të parregullt. L.H, 18- vjeç, banues në Berat u ka ofruar punonjësve të Policisë Kufitare, një shumë parash, për të kaluar kufirin në mënyrë të parregullt. I riu u procedua për veprën penale "Korrupsioni aktiv i personave që ushtrojnë funksione publike”.
Gjithashtu është goditur një rast i kontrabandës me mallra të licencuara.
Policia ka proceduar penalisht shtetasin M. K., 46 vjeç, banues në Turqi, për veprën penale “Kontrabanda me mallra të licencuara”. 46-vjeçari gjatë kontrollit në vijën e dytë, në valixhen e këtij shtetasi janë gjetur disa pako me medikamente mjekësore, të cilat ky shtetas nuk i kishte deklaruar dhe as nuk kishte dokumentin e shoqërimit me lejen e importit nga autoritetet përgjegjëse.
Materialet në ngarkim të këtyre dy shtetasve i kaluan Prokurorisë së Rrethit Gjyqësor Tiranë, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
