Kreu i PD-së, Lulzim Basha, ka sulmuar ministrin e Brendshëm, Fatmir Xhafaj, lidhur me kërkesën që ky i fundit i bëri kryeprokurorit Llalla për sqarime mbi rastet konkrete se kur prokurorët nuk janë thirrur gjatë proceseve të asgjësimit të drogës. Duke iu drejtuar vetë Xhafës, Basha i kërkoi atij të publikojë process-verbalet e asgjësimit të kanabisit të sekuestruar.
“Xhafa i stërvitur mirë me taktikat e sigurimit të shtetit njësoj si torturonte të rinjtë dhe të rejat e Krujës, se kishin pirë raki kur vdiq xhelati, me të njëjtën taktikë i shkruan letër kryeprokurorit e i thotë më thuaj cilat janë rastet kur nuk jeni thirrur për asgjësimin e drogës, pra e çon vëmendjen e popullit sikur qenka faji i prokurorëve. Vëllai i numrit dy të një bande ndërkombetare të trafikut të kokainës, vëllai i Agron Xhafajt, Fatmir Xhafajt i shkon për shtat të mbulojë gjurmët e ujkut, por ai duket qartë. Lëre prokurorinë, lëri mediat, opozitën dhe na trego procesverbalet e shkatërrimit të 2,5 mln rrënjëve të kanabisit, ku i ke procesverbalet e shkatërrimit të 10 mijë tonëve drogë”, tha Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
