Një nga drejtuesit kryesorë të organizatës kriminale Tren de Aragua, të shpallur organizatë terroriste nga SHBA-ja, është vrarë gjatë një operacioni të përbashkët amerikano-venezuelian. Lajmi u konfirmua nga presidenti amerikan Donald Trump.
Héctor Rusthenford Guerrero Flores, i njohur si “Niño Guerrero”, konsiderohej arkitekti i shndërrimit të një bande burgu venezueliane në një organizatë kriminale transnacionale që vepronte në Amerikën Latine, SHBA dhe Spanjë. Ai ishte në listën e personave më të kërkuar nga autoritetet amerikane.
Sipas Trump, Guerrero u eliminua në një “sulm të shpejtë dhe vdekjeprurës”, të kryer në koordinim me autoritetet venezueliane. Qeveria e Venezuelës konfirmoi se operacioni përfshiu shkëmbim informacioni dhe mbështetje teknike, ndërsa gjatë përleshjeve humbi jetën lideri i grupit kriminal.
Tren de Aragua u formua në burgun Tocorón të Venezuelës dhe u zgjerua në një rrjet kriminal ndërkombëtar. SHBA kishte ofruar një shpërblim prej 5 milionë dollarësh për informacion që do të çonte në kapjen e Guerrero-s, i cili akuzohej për drejtimin dhe lehtësimin e akteve terroriste.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
