E nevojshme të fillojnë negociatat e anëtarësimit me Shqipërinë dhe Maqedonine e Veriut. Kështu ka thënë Komisioneri i BE për Zgjerimin, Oliver Varhelyi pas mbledhjes së ministrave të Jashtëm të BE.
Varhelyi tregon se sot ka patur një diskutim të mirë për Ballkanin Perëndimor, teksa është konfirmuar se perspektiva europiane e rajonit është e padiskutueshme. Gjithashtu në postimin e tij ai thekson edhe nevojën për të vijuar dialogun Kosovë-Serbi.
Sakaq Këshilli i Bashkimit Europian i ka dërguar një letër pune në datën 5 maj delegacioneve të vendeve të BE përpara mbledhjes së sotme të ministrave të jashtëm të BE.
Këshilli i Bashkimit Europian në paragrafin për Shqipërinë dhe Maqedoninë e Veriut, ka kërkuar që për këto dy vende të fillojnë negociatat e anëtarësimit me BE sa më shpejt të jetë e mundur.
Po ashtu sipas Këshillit të BE, duhet të ruhet vrulli i reformave në këto dy vende dhe të ecet përpara me integrimit europian.
’Për Shqipërinë dhe Maqedoninë e Veriut, vetë procesi i pranimit në BE ka siguruar nxitja më e fortë për reformat dhe si e tillë, më shumë demokraci, stabilitet dhe prosperitet për të popullatat përkatëse. Tani është thelbësore që negociatat e pranimit të fillojnë sa më shpejt të jetë e mundur dhe të ecim përpara, së bashku me ruajtjen e vrullit të reformave në dy vende".
Këshilli i BE konstaton se në rajonin e Ballkanit Perëndimor ndihet një sens i zhgënjimit të thellë në procesin e zgjerimit. Një prej faktorëve sipas saj është mungesa e vendimeve për Shqipërinë dhe Maqedoninë e Veriut.
”Sot, ne duhet të pranojmë që pavarësisht nga angazhimi i palëkundur ndaj BE-së integrimi dhe nivelet e pashembullta të mbështetjes financiare dhe ekonomike të BE përfshirë edhe përballjen me pandeminë COVID-19 – njerëzit në rajon po përjetojnë një sens i zhgënjimit të thellë në procesin e zgjerimit. Faktorët kryesorë janë: mungesa e vendimeve hapat për Shqipërinë dhe Maqedoninë e Veriut pas hapjes së vendimit të Këshillit të Marsit 2020 për negociatat e pranimit; ritmi i ngadaltë i përparimit në rrugën e BE në Serbi dhe Mal të Zi, në zbatimin e përparësive kryesore për Bosnjë dhe Hercegovinën, dhe të Marrëveshjes së Stabilizim Asociimit në Kosovë dhe pasiguria në lidhje me dialogun Beograd-Prishtinë. Një perceptim i dorëzimit të vonuar në BE të vaksinave COVID-19 ka ushqyer më tej një rrëfim të zhgënjimit.”.
Ndërkohë, kryeministri i RMV, Zoran Zaev, flet pas takimit me Von der Leyen: Shkupi dhe Tirana të mos ndahen në rrugën drejt BE-së!
“Maqedonia e Veriut dhe Shqipëria duhet të vazhdojnë së bashku rrugën e integrimit evropian, apo njëkohësisht t’i nisin bisedimet për anëtarësim në BE”,
Zaev tha se ndarja e Shqipërisë dhe Maqedonisë së Veriut nuk është në interesin e askujt.
Javën e kaluar, komisioneri për Zgjerim i BE-së, Oliver Varhelyi, nuk e ka përjashtuar mundësinë që Shqipëria të ndahet nga Maqedonia e Veriut, apo e para t’i nisë bisedimet e anëtarësimit në BE, edhe pse zyrtarë të lartë evropianë disa herë kanë theksuar se dy shtetet duhet në bllok t’i hapin bisedimet e anëtarësimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
