Masa shtesë ndaj Kosovës? BE s’e përjashton mundësinë

BE-ja s’përjashton mundësinë për ndërmarrjen e masave shtesë ndaj Kosovës. Këtë e deklaroi zëdhënësi i BE Peter Stano në një konferencë për media. 

Stano ka sqaruar se Borrell nuk ka deklaruar që dialogu Prishtinë-Beograd ka dështuar, por se ky raund s’ka sjellë rezultate, për shkak të mospajtimit mes palëve. Ai shtoi se nëse situate vazhdon, shtetet anëtare të BE mund të shqyrtojnë vendosjen e masave shtesë për palën që s’po bën mjaftueshëm për shtensionimin e situates. 

“Me fjalë të tjera, ne ndihmojmë për të kapërcyer dallimet, por nuk do të kemi sukses derisa palët të jenë gati për kompromis. Ne duam të ndihmojmë, por nëse ju doni të ndihmoni dikë dhe dikush nuk dëshiron të ndihmohet, çfarë mund të bëni?”, ka thënë Stano.