Detaje të reja dalin nga ngjarja tragjike e ndodhur dy ditë më parë në Sarandë, ku humbi jetën një turiste 29-vjeçare britanike gjatë një ekzpedite nën ujë. Për ngjarjen ka folur motra e Rebecca Gannon, e cila ka thënë për Daily Mail se nuk mund ta besojë atë që ka ndodhur. Ajo ishte duke punuar me nënën e saj Gillian në kuzhinën e biznesit të bukëpjekjes në qytezën e Stone kur autoritetet i kishin komunikuar lajmin e keq. Dy gratë janë ende të tronditura për të bërë homazhet.
Rebeça ndërroi jetë gjatë zhytjes në Sarandë, ndërsa ndodhej me të dashurin e saj, Robert Kerans. Ky i fundit, është shprehur për median “MailOnline”, se ashtu si e dashura e tij ka një çertifikatë si zhytës profesionist.
“Ishim një grup prej 12 vetësh dhe do të kishim 3 instruktorë zhytjeje. Një prej tyre fliste mirë anglisht dhe tani e mësova se është Gerta Brozi. Ajo kontrollonte pajisjet por nuk i jepte shumë vëmendje. Unë e di se kishte një problem me rregullatorin e bombulës së Rebeça-s dhe Gerta nuk e zgjidhi”, ka thënë Robert.
“Ne hymë në ujë por nuk e di nëse problemi ishte zgjidhur. Kishim zbritur në thellësi kur edhe një tjetër nga grupi që kishte problem me presionin e bombulës, doli në sipërfaqe. Kur isha në ujë nuk e shihja dot Rebeça-n pasi shikueshmëria nuk ishte e mirë. Kisha rreth 25 minuta në ujë kur dola dhe pashë barkën e policisë afër nesh dhe kuptova se diçka e keqe kishte ndodhur”, ka treguar ai më tej.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
