Presidenti Ilir Meta ka pritur sot në presidencë kryenegociatorin Zef Mazi. Ky i fundit do të jetë në krye të grupit që do të zhvillojë bisedimet për anëtarësimin e Shqipërisë në Bashkimi Europian.
Kreu i Shtetit ka zbardhur detaje nga takimi që pati sot me Kryenegociatorin e zhvillimit të negociatave për anëtarësimin e Shqipërisë në Bashkimin Europian, Zef Mazin.
Në një postim në rrjetet sociale, ku ndan edhe fotot të takimit, Meta thotë se mes tyre ka qenë një diskutim i hapur e konstruktiv për perspektiven e çeljes së negociatave të vendit tonë.
Mesazhi i Metës ishte se “politika jonë duhet të tregojë vullnet për plotësimin e kushteve, është e rëndësishme përgatitja teknike dhe rritja e kapaciteteve negociuese”.
POSTIMI I PLOTE
Kënaqësi të prisja sot në takim Ambasador Zef Mazin, i emëruar nga Qeveria Kryenegociator për zhvillimin e negociatave për anëtarësimin e Shqipërisë në Bashkimin Europian.
Diskutuam hapur e në mënyrë konstruktive për perspektiven e çeljes së negociatave.
Ndërsa politika jonë duhet të tregojë vullnet për plotësimin e kushteve, është e rëndësishme përgatitja teknike dhe rritja e kapaciteteve negociuese.
E sigurova për mbështetjen e plotë në detyrën e tij nga institucioni i Presidentit të Republikës.
Integrimi europian është objektiv mbarëkombëtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
