Presidenti i Republikës Ilir Meta thotë se ndalimi i ritmeve dramatike të shpopullimit të Shqipërisë është një nevojë urgjente dhe për këtë duhet zgjidhje konkrete. Presidenti merr spunto nga një raport i OKB-së në të cilin thuhet se 1.2 milionë persona janë larguar nga Shqipëria në 30 vitet e fundit, nga 1990-2020. Për më tepër në raport thuhet se në dekadat e ardhshme do të largohen edhe 650 mijë të tjerë.
“Ndalimi i ritmeve dramatike të shpopullimit të Shqipërisë është sfida më e madhe që kërkon urgjentisht reflektim dhe zgjidhje konkrete.
Koha për të ndalur projektin antikombëtar të zhbërjes së Shqipërisë është tani!
Plotësimi pa vonesë i 15 kushteve është harta e vetme e rrugës së Shqipërisë europiane!
Të bashkohemi kundër shpopullimit dhe kthimit të shpresës!
Shqipëri pa shqiptarë nuk mund të ketë!”-shkruan Meta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
