Zhvillimi i Inteligjencës Artificiale (AI) mund të ngrejë shqetësime, por gjithashtu mund të ofrojë një mundësi të jashtëzakonshme pasi rritja në ekonominë globale ka qenë shumë e dobët vitet e fundit.
Kështu tha drejtoresha e përgjithshme e FMN-së, Kristalina Georgieva, gjatë një interviste për AFP-në.
Georgieva foli pas publikimit nga institucioni i saj i një raporti kushtuar ndikimit të AI në punësim dhe ekonominë globale, përpara takimeve të Forumit Ekonomik Botëror në Davos.
Sipas këtij raporti, AI do të ketë pasoja për 60% të vendeve të punës në ekonomitë e përparuara.
“Në botë, 40% e vendeve të punës do të preken. Dhe sa më i aftë të jeni në një punë, aq më shumë do të jetë kështu. Pra, për ekonomitë e përparuara dhe në disa vende në zhvillim, 60% e vendeve të punës do të preken”, deklaroi Kristalina Georgieva, duke kujtuar se ky ndikim mund të përkthehet edhe në rritje të të ardhurave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
