Albi Ceno dhe Oltjon Tahiri, të akuzuar për mbajtjen me forcë dhe përdhunimin e një 26-vjeçareje pak ditë më parë në Vlorë kanë mbërritur në gjykatë për t’u njohur me masën e sigurisë.
Po ashtu do të jepet masa e sigurisë dhe për Gentjano Mehmetin, i cili vazhdon të jetë në arrati, dhe për personin e katërt të përfshirë në krim me inicialet V.K.
Prokuroria ka kërkuar ‘arrest me burg’ për 4 personat e akuzuar.
Policia vijon kërkimet për dy personat që ndodhen ende në arrati.
26-vjeçarja ndodhet në spitalin rajonal të Vlorës dhe po mbahet në reanimacion për shkak të gjendjes së rëndë shëndetësore që ka paraqitur.
Korrespondenti i MCN Tv në Vlorë, Edi Ruçi thotë se ka pasur tentativa dhe nga familjarët e 4 të akuzuarve që 26-vjeçarja të ndryshojë dëshminë.
Në komunikatën e parë Policia e Vlorës tha së ndaj 26-vjeçares është kryer marrëdhënie me forcë nga 3 persona, shtetasit A.C, O.T, dhe G.M pa përmendur personin e 4-ët të përfshirë. Informacionet nga gazetarë të Vlorës kanë detyruar policinë të nxjerrë dhe personin e 4-të të përfshirë, shtetasin V.K.
Ka pasur kërcënime të vazhdueshme dhe ndaj mediave që këta të fundit të mos e jepnin lajmin, apo të mos e pasqyronin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
