Rritja e numrit të kriminaliteti në vend, dukshëm po vërehet edhe nga autorët më të rinj, që janë të miturit.
Besmira Muçaj, ish-psikologe pranë Drejtorisë së Policisë në Tiranë, në një komunikim për edicionin e lajmeve në MCN tv, tha se lidhur me faktin e rritjes së kriminalitetit të të miturve në vend, mungojnë qendrat e riedukimit dhe ato sociale në vend.
Sipas saj, krahas kontrollit në familje dhe nga prindërit, kërkohet edhe një sistem social të kontrolluar në shkolla.
Temat e tilla janë alarm jo vetëm për shoqërinë tonë, për prindërit, për mënyrën se si qeveriset, por edhe për masat që ne duhet te marrim, kryesisht për ngritjen e qendrave të riedukimit dhe të qendrave sociale në vend. Sigurisht krimet e të miturve kanë marrë përmasa të mëdha duke u nisur edhe nga statistikat e kohëve të fundit lidhur edhe me aksidentet në rrugë.
Prindërit duhet luajtur rol parësor në edukimin e tyre, këtu vijnë edhe se si përcjellim mënyrën e prindërimit, atyre çdo gjë u lihet gati, kjo gjë e dëmton adoleshentin.
Unë mendoj se të miturit e përfshirë kryesisht në vepra penale dhe janë përsëritës të këtyre veprave, kanë informacion për lehtësirat që u takojnë, ky kod u jep të miturve shumë të drejta, pasi për ti respektuar ato duhet të vazhdojnë shkollën, si dhe të ketë një sistem social të kontrolluar në shkollë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
