Ndjekësit ofendojnë modelin e H&M për një detaj!

Kjo foto u publikua nga marka e njohur e veshjeve H&M për koleksionin e ri të tutave për djemtë. Ndoshta disa prej jush nuk dallojnë asgjë që nuk shkon, por disa të tjerë janë kapur me një detaj: gërshetat e modelit!

Në postimin në Facebook, ka komente nga më të cuditshmet, nga ata që e quajnë ‘foto qëllimisht provokuese’ apo ‘Frida Kahlo në versionin mashkull’.

Të tjerë shkojnë në ofendime të tjerë, duke e cilësuar neveri: “E tmerrshme”, “Pa koment”, “Hapni berberët”.

Ndërkohë që edhe ngjyrat e kostumeve janë shumë pak mashkullore, shqetësimi i ndjekësve është fokusuar tek flokët.

Frika se rolet tradicionale gjinore do të shpërbëhen është aq e fortë sa që edhe një model me gërsheta mund  të sulmohet.

Përgjigjja jonë:

"Identiteti seksual" tregon atë grup elementesh që janë pjesë e perceptimit të thellë që të gjithë kanë për veten e tyre si një qenie njerëzore e një gjinie. Elementet që e kompozojnë atë janë seksi biologjik i diktuar nga karakteristikat gjenetike, hormonale dhe anatomike që përcaktojnë përkatësinë në seksin mashkull, femër; identiteti gjinor, d.m.th gjinia me të cilën identifikohemi në bazë të ndryshoreve psikologjike dhe kulturore; orientimi seksual, domethënë drejt atij që na tërheq në një nivel seksual dhe rolit gjinor, ose atyre karakteristikave estetike-të sjelljes që sipas një kulture të caktuar shprehin se i përkasin gjinisë mashkullore dhe femërore. Pra çmontimi i roleve gjinore nuk rrezikon aspak asgjë, është vetëm një mënyrë për të vënë në dyshim modelet e ngurta socio-kulturore që na detyrojnë të jemi. Kush vendos që nëse jeni mashkull nuk mund të mbani gërsheta dhe nëse jeni femër mundeni?

E vërteta jashtë rrjeteve sociale është që ka shumë vajza që vlerësojnë burrat që nuk kanë frikë nga ato që konsiderohen "femërore", nuk e denigrojnë dhe nuk strehohen në një mashkulloritet të egërsuar.