Bluzat e bardha në Kosovë janë sot në një grevë 24-orëshe, një formë proteste kjo për mosplotësimin e kërkesës së tyre për rritjen e pagave në shëndetësi.
Ata kanë paralajmëruar se nëse deri në fillim të vitit 2019 nuk marrin ndonjë përgjigje pozitive për rritjen e pagave, në janar do ta përshkallëzojnë protestën deri në bojkotim të punës, shkruan sot gazeta "Zëri".
Greva përfshin personelin mjekësor në të gjithë Kosovën, që nga Qendra Klinike Universitare e Kosovës (QKUK), spitalet rajonale dhe qendrat e mjekësisë familjare.
Lajmin e ka konfirmuar kryetari i Federatës Sindikale të Shëndetësisë së Kosovës, Blerim Syla.
Kosova është përballur vitet e fundit me largimin e bluzave të bardha, kryesisht drejt Gjermanisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
