Në Kinë tashmë ka kaluar një muaj pa asnjë vdekje nga koronavirus.
Komisioni Kombëtar i Shëndetësisë të premten ka njoftuar për vetëm katër raste të reja me infeksion, të gjitha në provincën verilindore të Jilinit.
Hera e fundit që komisioni kishte raportuar një vdekje ishte më 14 prill.
Vetëm 91 persona në Kinë janë duke u trajtuar për COVID-19 dhe 623 të tjerë janë të izoluar e duke u monitoruar.
Në total, në Kinë janë regjistruar 4 633 të vdekur e 82 933 të infektuar qëkur nisi regjistrimi i rasteve në fund të vitit të shkuar në Wuhan që konsiderohet burim i virusit.
Kina ka mbajtur masën e distancimit social dhe nuk ka lejuar të huajt të hyjnë në vend, por ka nisur ta hapë ekonominë duke ua mundësuar punën fabrikave të mëdha dhe bizneseve të vogla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
