Një gjykatë franceze ka shpallur fajtore shefen e Fondit Monetar Ndërkombëtar Christine Lagarde.
Ajo akuzohet për neglizhencë gjatë periudhës kur ishte ministre e Financës në Francë, duke favorizuar manjatin Bernard Tapie, shumë e cila arrin në 400 milionë euro.
Bëhet fjalë për shitje e markës sportive "Adidas" në vitin 2007. Megjithëse është dënuar, Lagard nuk do të kryej ndonjë burgim.
Lagarde, ia kaloi për shqyrtim një paneli arbitrazhi çështjen e tej zgjatur të mosmarrëveshjeve së biznesmenit me bankën “Credit Lyonnais”, dhe Tapie përfitoi një dëmshpërblim prej 400 milionë eurosh.
Biznesmeni ishte simpatizant i ish-presidentit francez, Nicolas Sarkozy, dhe hetuesit dyshojnë se marrëveshja në favor të tij ishte një lloj shpërblimi për mbështetjen e dhënë ish-kreut të Elizesë në zgjedhjet e 2007-s.
Shefja e FMN-së nuk ishte në sallë në momentin e vendimit por ajo ka thënë shpesh gjatë gjithë kësaj kohe se nu ka bërë asgjë të jashtëligjshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
