Shtetet e Bashkuara vendosën sanksione të reja lidhur me Rusinë të mërkurën, duke përfshirë disa agjentë të inteligjencës me akuza për ndërhyrje në zgjedhjet e vitit 2016 të SHBA, por thanë se do të heqin sanksionet mbi tre kompani të kontrolluara nga oligarku rus, Oleg Deripaska.
Thesari i SHBA-së tha në një deklaratë në faqen e tij të internetit se po vendoste sanksione të reja për individët dhe subjektet e përfshira në ndërhyrjen e supozuar të zgjedhjeve, sulmin e Agjencisë Botërore Anti-Doping dhe veprimtaritë e tjera "malinje".
Veprimet, përfshijnë sanksionimin e 15 anëtarëve të agjencisë së inteligjencës ushtarake të Rusisë (GRU), u morën "në përgjigje të mosrespektimit të vazhdueshëm të Rusisë për normat ndërkombëtare", thuhet në deklaratë.
Thesari tha se po heq sanksionet ndaj prodhuesit të aluminit Rusal dhe një kompani tjetër e lidhur me oligarkun Deripaska, një manjat metalesh që njihet si një person në rrethin e brendshëm të presidentit rus Vladimir Putin.
Por Thesari tha në deklaratën e tij se nda Deripaska do të vazhdojnë të mbeten sanksione të cilat u vendosën në prill.
Të tre kompanitë Deripaska - Rusal, En + dhe Sh.A. EuroSibEnergo (ESE) kanë rënë dakord të ristrukturojnë ndryshimet duke përfshirë uljen e aksioneve të Deripaskës.
"Këto kompani janë zotuar të zvogëlojnë ndjeshëm pronësinë e Deripaskës dhe të heqin kontrollin e tij", tha Thesari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
