Fitimtar në zgjedhjet parlamentare gjermane në fund të shkurtit, Friedrich Merz deri më tani është treguar i vendosur në dëshirën e tij për të vazhduar mbështetjen ushtarake për Ukrainën.
Ndërsa kancelari në largim Olaf Scholz refuzoi të furnizonte Kievin me raketa Taurus, kancelari i ardhshëm është i hapur ndaj kësaj mundësie.
"Unë kam thënë gjithmonë se do ta bëja këtë vetëm në marrëveshje me partnerët evropianë", tha Merz të dielën në mbrëmje në përgjigje të një pyetjeje mbi këtë temë.
“Duhet të koordinohet dhe nëse koordinohet, atëherë duhet të përfshihet Gjermania ”, shtoi Merz. Sipas tij, ushtria ukrainase duhet të dalë nga pozicioni i saj mbrojtës.
Gjermania ka qenë ofruesi i dytë më i madh i ndihmës ushtarake për Ukrainën, pas Shteteve të Bashkuara, që nga fillimi i pushtimit rus.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
