“Të hiqet taksa e qarkullimit”, Bogdani: Në Kosovë nafta shumë më lirë, Shqipëria ka kontrabandë

Ish-deputeti i PD Gerdi Bogdani deklaroi në edicionin e lajmeve në MCN TV se protestat në Shqipëri nuk janë për pasojat e luftës në Ukrainë, por për spekulimet e oligarkëve.

Kjo është një protestë qytetare, jo partiake sepse çmimi i karburantit i prek të gjithë. Shqiptarët janë sot në luftë për mbijetesë. Nga ana tjetër ka një qeveri arrogante që reagimi i parë që bën është, mos merrni makinën kur blini cigare, kjo është e turpshme. Ke një kryeministër që thotë edhe 45 mijë veta të dalin në shesh nuk i ul çmimet e naftës, pse, sepse do të fitojnë oligarkët. Sot kemi lekë për të paguar Malumën, kjo është turp. 3 mijë lekë në muaj, është një thes miell për tre muaj për pensionistët. Thjesht është afruar nga korriku në prill, nuk është marrë asnjë masë shtesë. Sa i përket transportit publik kryeministri mjafton të heqë taksën e qarkullimit. Flota e autobusëve është e përgjysmuar. Sot janë të ngjeshur si sardele dyfish dhe bashkia s’merr asnjë masë. Protestat janë për spekulimet e oligarkëve. Në asnjë vend të Evropës nuk ke pasur një rritje të tillë çmimesh. Nuk është turp që qytetarët protestojnë, turp është që kryeministri nuk i ndihmon.

Bogdani tha se në Shqipëri ka një oligopol dhe duhet të nisë një hetim përse çmimi u ngrit dhe u ul njëherazi nga të gjithë operatorët. Po ashtu ai u shpreh se qeveria s’vjen taksat e duhura sepse ka shumë kontrabandë.

Kryeministri s’ka pse ta kthejë në komunizmin dhe të vendosë ai çmimin. Minimalisht të heqë taksën e qarkullimit. Të fillojë një hetim pse u ngrit çmimi nga të gjithë operatorët, ka një oligarki, ka një oligopol, sepse ashtu siç u ngrit, u ul. Në Kosovë dhe Maqedoninë e Veriut nafta është shumë më lirë, në Shqipëri shumë më lartë. Qeveria nuk vjel taksat e duhura sepse ka shumë kontrabandë. Kryeministri të fillojë kontrollet për këtë treg.

Prokuroria e ka për detyrë të fillojë hetimet. Nëse kryeministri do që të dëgjojë vetëm oligarkët. Balluku tha ulini çmimet se do u djegin pikat e karburantit, i quan qytetarët si barbarë. Me ndjenjë frike dhe përbuzje ndaj qytetarëve. Në këto raste Prokuroria dhe drejtësia e re kanë shumë për të vepruar.