Ekspert i çështjeve ekonomike Daniel Guçe i ftuar në studion e lajmeve në MCN TV ka diskutuar mbi situatën ekonomike në vend ku vuri theksin te vaksinimi i popullatës dhe stafeve si marketingun më të mirë në çeljen e këtij sezoni.
“Mendoj se marketingu më i mirë në çelje të këtij sezoni turistik është vaksinimi i popullatës, stafeve, një marketing për të pritur turistët vendas dhe të huaj. Gjithsesi jetojmë në një fazë pandemia prandaj pritet sezonin tjetër një verë më e çliruar por në krahasim me vendet e rajonit jemi më mirë. Prandaj mëshoj se vaksinimi është kryesorja. Në perceptimin e turizmit është një iniciativë e mirë përsa i përket qasjes se turistëve në vendin tonë”, u shpreh Guçe.
Intervista e plotë:
Qeveria ka parashikuar që ketë vit të ketë rritje ekonomike. Edhe Banka e Shqipërisë në raportimin e fundit thekson se Ekonomia po ringrihet, rritja është 5,3%. A po reflektohet kjo tek të ardhurat dhe çfarë po bëhet për ta ndihmuar biznesin.
Guçe: Në fakt nuk dua ti qasem sa do jetë rritja ekonomike por vitin e kaluar kaluam një vit të vështirë nga ana ekonomike, paketa e parë dhe e dytë ishte një masë lehtësuese, nuk do të thotë se ka qenë situatë e lehtë, por ka qenë parandaluese për të çuar në faliment ndërmarrjet. Eksportet e muajit prill kemi një rritje gati 92% nga viti i kaluar. 0 tatim fitimi për bizneset e vogla do jetë një masë që do japi efektet e saj për rritjen ekonomike.
Të ndalemi pak për të folur për projektin EUSAIR, nisma adriatio-joniane, çfarë përfiton Shqipëria meqënëse ka marrë kryesimin?
Guçe: Në fakt është bashkëpunimi rajonal mes vendeve, të cilat duke shkëmbyer eksperiencat do jetë një model shumë i mirë. Kryesojnë shtyllën e turizmit Shqipëria dhe Kroacia që do të jenë si pilot në këtë sezon.
Cilat janë sfidat ekonomike në mandatin e tretë të Partisë Socialiste. Objektivat dhe premtimet për 4 vitet e ardhshme?
Guçe: Në opinionin tim është rindërtimi dhe vaksinimi si parësore e kësaj qeverisje. Më pas vijnë bujqësia dhe turizmi si dhe përthithja e investimeve të huaja.
Po për investimet e huaja si është parashikimi për këtë 4 vjeçar?
Guçe: Mendoj se do jetë një klimë më e mirë për të bërë biznes në Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
