Ish-drejtori i agjencisë SASPAC, Ilir Beqaj, Ermal Kurtulaj dhe Alfred Nikollaj do vijojnë nën masën e sigurisë “arrest në burg” të vendosur nga Gjykata e Posaçme.
Këtë të premte, Prokuroria e Posaçme lexoi informacionin dy mujor të kërkuar nga avokatët në seancën e kaluar.
Beqaj, Kurtulaj dhe Elton Marini kërkuan zëvendësim të masës së sigurisë, kërkesë që nuk u pranua nga gjykata.
Në 4 korrik të këtij viti, Ilir Beqaj u vendos në pranga me urdhër të prokurores Elida Kaçkini, e cila kreu hetimet për abuzimin me fondet e agjencisë së menaxhimit të fondeve të Bashkimit Europian.
Kjo çështje, përveç Beqajt la në qeli Ermal Kurtulajn dhe Alfred Nikollaj.
Ndërsa për Gazmend Haxhia dhe Elton Martini, GJKKO faktoi masën “arrest në shtëpi”.
Bledar Leka dhe Bjona Ziaj kanë masën më të lehtë atë të “detyrim paraqitje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
