Kryeministri Edi Rama ka ripërsëritur thirrjen e tij për dialog me studentët që po protestojnë, duke bërë të qartë se nuk e konsideron dorëheqjen nga posti i tij.
Edhe këtë të diel, përpara godinës së Kryeministrisë është vendosur një tryezë me mbishkrimin e madh “Dialog”, si një ftesë e hapur drejtuar të rinjve për të ulur tensionet në rrugë.
Rama ka deklaruar prerazi se nuk e mendon dorëheqjen si zgjidhje për situatën aktuale.
Kryeministri u shpreh plotësisht i gatshëm për të diskutuar me studentët pikat e tyre të kërkesave dhe për të gjetur rrugët e duhura për përmirësimin e kushteve në arsimin e lartë.
Kjo lëvizje vjen në një kohë kur tubimet e studentëve dhe gjimnazistëve kanë fituar mbështetjen e opozitës dhe të shoqërisë civile, ndërsa qeveria po përpiqet të zhvendosë përballjen nga sheshi në tryezën e bisedimeve institucionale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
