Gara mes Presidentit aktual Trump dhe kandidatit Joe Biden vazhdon të jetë me rezultate shumë të ngushta, të cilat bëjnë të vështirë parashikimin e atij që do të jetë fituesi.
Sipas parashikimeve të “Smarktes” me seli në Britanë e Madhe, në avantazh është Biden.
Ky parashikim i jep kandidatit demokrat Joe Biden rreth 80% shanse për të fituar zgjedhjet dhe për t'u vendosur në krye të Shtëpisë së Bardhë, ndërkohë që Presidentit aktual i jep vetëm 20% mundësi për të fituar.
Numërimi i votave nuk është mbyllur ende në gjashtë shtete: Nevada, Xhorxhia, Miçigen, Karolinë e Veriut, Pensilvani dhe Uiskonsin.
Biden duhet të fitojë në të paktën tre shtete për t'u zgjedhur fitues, ndërsa Trump duhet të marrë 4 nga këto 6 shtete në të cilat nuk ka përfunduar ende numërimi.
Presidenti Donald Trump ka deklaruar një fitore të parakohshme, por do të jetë përfundimi i procesit të numërimit që do të vendosë kush është fituesi, edhe pse me një rezultat shumë të ngushtë mes kandidatëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
