Pas operacionit të koduar “Atos”, që çoi në pranga disa shtetas shqiptarë si të përfshirë në trafikun e lëndës narkotike, kokainë, tashmë është future “në lojë” edhe Prokuroria e Posaçme SPAK. Dy prej emrave që janë përfshirë në veprimet proceduriale të SPAK-ut janë Fjoralb dhe Ramazan Rraja.
Sipas informacioneve nga prokuroria, SPAK ka regjistruar një hetim pasuror sipas ligjit antimafia, ku do verifikohen një sërë pasurish. Në listën e pasurive për të cilët do kërkohet kryerja e veprimeve hetimore intensive do të jenë pasuritë e Ramazan e Fjoralb Rrajës. Verifikim pasurie do të bëhet edhe ndaj ish-deputetit Rrahman Rraja, si person i lidhur me dy të dyshuarit, të dyshuar si drejtues të grupit.
Nisur nga 2018-a, këtij grupi iu sekuestrua një sasi prej 1.2 ton kokainë. Fitimet ky grup rezulton se i investonte në Shqipëri në prona, automjete e llogari bankare. SPAK do t’u kërkojë bankave, hipotekës, agjencive të transfertave të dhëna për transaksione ndër vite.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
