Dëshmia e të dashurit të Eva Kailit para hetuesve të çështjes Qatargate pritet të hedhë dritë mbi skandalin që ka tronditur ditët e fundit Brukselin. Francesco Giorgi, bashkëjetuesi i zv.presidentes së Parlamentit Europian, është pyetur nga hetuesit belgë, pas muajsh të tërë hetimesh shumë sekrete që filluan verën e kaluar dhe kulmuan në kontrollet e së premtes. Giorgi ishte asistent parlamentar i Panzerit, europarlamentari italian i ndaluar për çështjen Qatargate.
Nuk ka detaje të asaj çfarë Giorgi ka deklaruar, por sipas shtypit belg - i cili nuk përmend emrin dhe mbiemrin e tij - një nga katër personat e pyetur përmendi emrin e eurodeputetit socialist Marc Tarabella.
Totali i kartëmonedhave të gjetura nga policia belge gjatë kontrollit të banesave të Antonio Panzerit dhe ish-zëvendëspresidentes së Eurodhomës Eva Kaili, të dy të arrestuar për Qatargate, kapin shifrën e një milion e gjysmë euro. Në shtëpinë e Kailit jetonte edhe Francesco Giorgi, gjithashtu i arrestuar. Kështu raportojnë mediat belge duke cituar policinë federale. Në numër përfshihen edhe paratë e gjetura në valixhen që mbante babai i Kailit teksa po dilte nga një hotel në Bruksel. Ndërkohë, policia federale belge ka publikuar një foto të parave të gjetura në shtëpinë e Panzerit, në shtëpinë e Kailit dhe në çantat që kishte babai i eurodeputetes greke në momentin e arrestimit.
Ish-nënkryetarja e Eurodhomës është transportuar në orët e fundit në burgun Haren, në periferi verilindore të Brukselit. Burgu Haren u përfundua muajt e fundit dhe mes atyre që vuajnë dënimin në të është edhe Salah Abdeslam, i mbijetuari i vetëm i komandos terroriste Bataclan. Prokurori belg, i pyetur për këtë, nuk donte të konfirmonte nëse tre të arrestuarit e tjerë - Panzeri, Francesco Giorgi, Niccolò Figà-Talamanca - janë gjithashtu në të njëjtën strukturë. Që të katër priten nesër për seancën e parë paraprake për Qatargate.
Parlamenti Evropian miratoi sot në mëngjes shkarkimin e nënpresidentes së PE. Seanca plenare votoi po me një shumicë prej më shumë se dy të tretave (625 vota), siç parashikohet nga Parlamenti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
