Të divorcuarit në Rusi duhet të përballen me pasoja në formën e gjobës ose dërgimin e tyre në konfliktin në Ukrainë, ka propozuar një anëtar i diskutueshëm i Dumës ruse, njëherësh nënkryetari i komitetit parlamentar për mbrojtjen e familjes.
Vitaly Milonov doli të mërkurën me propozimin e tij, ndërsa parlamenti diskutoi propozimin e partisë së krahut të djathtë të Partisë Liberale Demokratike të Rusisë (LDPR) që shteti t’i shpërblejë ata që martohen para moshës 35 vjeç me 10.000 rubla (rreth 113 dollarë).
Deputeti i Partisë Rusia e Bashkuar në pushtet, argumentoi se problemi nuk ishte se në Rusi bëhen shumë pak martesa, por se shumë prej tyre po prishen.
Kjo është arsyeja pse unë propozoj, në rast divorci, një gjobë prej 100.000 rubla (1128 dollarë) ose punë korrektuese në zonën e operacionit ushtarak të Rusisë në Ukrainë.
Në rast të tradhtisë ose një stili jetese të shfrenuar të njërit prej bashkëshortëve, nëse ai mendon se nuk është argëtuar mjaftueshëm dhe vazhdon të mashtrojë majtas e djathtas, atëherë është ai që duhet të mbajë përgjegjësinë për divorcin dhe për rrjedhojë pëson shpenzime financiare.
Sipas të dhënave të publikuara në fillim të kësaj jave nga Shërbimi Federal i Statistikave Shtetërore të Rusisë, ka pasur më shumë se 800.000 martesa dhe rreth 566.000 divorce në vend midis janarit dhe tetorit 2023.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
