Gjatë aksionit të RENEA-s që është zhvilluar mbrëmë në qytetin e Peqinit, raportohet se është neutralizuar Talo Çela, një prej personave më të kërkuar në Shqipëri. Policinë e sollën në këtë qytet dy armët e gjetura në lumin Shkumbin, gjatë operacionit të zhvilluar para tre ditëve në lumin Shkumbin.
Mësohet se gjatë operacionit ka pasur të shtëna me armë dhe në fund është neutralizuar i kërkuari Talo Çela.
Çela, 49-vjeç, me origjinë nga Elbasani, është shpallur në kërkim në vitin 2019 si i dyshuar në pjesëmarrjen e grabitjes famëkeqe të 6.2 milion eurove në Aeroportin e Rinasit.
Por Çela është shpallur në kërkim edhe për vrasjen e dy vëllezërve Viktor e Besmir Haxhiaj, në 27 prillin e këtij viti në Durrës. Dyshohet se Çela kishte konflikt me dy vëllezërit pasi u kishte lënë atyre një shumë parash për t’i ruajtur, por që nuk ia kthyen më.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
